డిప్యూటీ సీఎం పవన్ పర్యటనలో నకిలీ ఐపీఎస్

డిప్యూటీ సీఎం పవన్ కళ్యాణ్ పర్యటనలో ఒక నకిలీ ఐపీఎస్ అధికారి ఉండడం కలకలం రేపుతోంది. పర్యటనలో అతను భద్రతా సిబ్బందితో ఫోటోలకూ ఫోజులిచ్చాడు.

ఇటీవల మన్యం జిల్లా సాలూరు నియోజకవర్గం పాచిపెంట మండలంలో పవన్ పర్యటించారు. పవన్ కళ్యాణ్ వచ్చిన సమయంలో ఆయన వెన్నంటే ఉండి అతను కలియ తిరిగాడు. పర్యటన తర్వాత ఫోటోలు బయటకు రావడంతో విషయం బయటపడింది.

నకిలీ ఆఫీసర్ అని తేలడంతో అతన్ని అదుపులోకి తీసుకుని విజయనగరం రూరల్ పోలీసులు విచారిస్తున్నారు. నకిలీ IPS గరివిడి మండలానికి చెందిన బలివాడ సూర్య ప్రకాష్ అనే వ్యక్తిగా గుర్తించారు.

ఈ ఘటనపై హోం మంత్రి అనిత ఫైర్ అయ్యారు. విచారణకు ఆదేశించారు. భద్రతా లోపంపై సమగ్ర విచారణ జరిపి, కఠిన చర్యలు తీసుకోవాలని సంబంధిత అధికారులకు ఆదేశాలు జారీ చేశారు. మరోవైపు ఐపీఎస్ యూనిఫాంలో వచ్చిన సూర్యప్రకాశ్ ను విజయనగరం పోలీసులు అదుపులోకి తీసుకున్నారు. ఈ నెల 20న పార్వతీపురం మన్యంలో పవన్ పర్యటించారు. అయితే, నకిలీ ఐపీఎస్ వ్యవహారాన్ని అధికారులు ఆలస్యంగా గుర్తించారు