Andhrabeats

బాలయ్యను వరించిన పద్మ భూషణ్

రిపబ్లిక్ డే సందర్భంగా కేంద్ర ప్రభుత్వం పద్మ అవార్డులను ప్రకటించింది. మొత్తం 139 పద్మ అవార్డులను ప్రకటించగా, అందులో 113 మంది పద్మశ్రీ అందుకోనున్నారు.

ఈ క్రమంలో మన నందమూరి బాలకృష్ణకు కేంద్ర ప్రభుత్వం పద్మ భూషణ్ అవార్డు ప్రకటించింది. కళా రంగం కేటగిరిలో ఆయన్ను నామినేట్ చేయగా కేంద్ర ప్రభుత్వం దేశంలోనే అత్యున్నత మూడో పురస్కారం అయిన పద్మ భూషణ్ అవార్డు ప్రకటించింది. దీంతో బాలయ్య అభిమానులు, తెలుగు దేశం కార్యకర్తలు, సినీ ప్రముఖులు సంతోషం వ్యక్తం చేస్తున్నారు. బాలకృష్ణకు అభినందనలు వెల్లువెత్తుతున్నాయి.

నటుగానే కాక రాజకీయ నాయకుడిగా, బసవతారకం క్యాన్సర్స్ ఆస్పత్రి ఛైర్మన్ గా బాలకృష్ణ ప్రజలకు ఎంతో సేవ చేస్తున్నారు. విశ్వ విఖ్యాత నట సార్వభౌమ నందమూరి తారకరామారావు తనయుడిగా తాతమ్మ కల సినిమాతో 1974వ సంవత్సరంలో సినీ పరిశ్రమలోకి ఎంట్రీ ఇచ్చారు. 14 ఏళ్ల వయస్సులోనే తండ్రి ఎన్టీఆర్ తో కలిసి నటించారు. ఇటీవలే నటుడిగా 50 ఏళ్ళు కూడా పూర్తి చేసుకున్నారు. ఇప్పటి వరకు 109 సినిమాల్లో నటించారు బాలయ్య బాబు. రెగ్యులర్ లవ్, మాస్ కమర్షియల్ సినిమాలతో పాటు చారిత్రక, జానపద, పౌరాణిక, సాంఘిక చిత్రాలలో కూడా నటించి ప్రేక్షకులను మెప్పించారు. అభిమానులతో యువరత్న అని పిలిపించుకున్న బాలయ్య ఇప్పుడు గాడ్ ఆఫ్ మాసెస్ గా మారారు. సినిమాల కోసం ఎన్ని రిస్కులైన తీసుకొని డూప్స్ లేకుండానే ఫైట్స్ చేసి ఫ్యాన్స్ ని అలరించారు.
గత కొంతకాలంగా బాలయ్య బాబు ఫుల్ ఫామ్ లో ఉన్నారు. అఖండ సినిమాతో బాలయ్య విజయాల పర్వం మొదలైంది. అఖండ, వీరసింహా రెడ్డి, భగవంత్ కేసరి, ఇటీవల డాకు మహారాజ్.. ఇలా వరుసగా అన్ని 100 కోట్లకు పైగా కలెక్షన్స్ సాధించి భారీ హిట్స్ కొట్టాయి. చేతిలో మరో రెండు సినిమాలు ఉన్నాయి. త్వరలో అఖండ 2 షూటింగ్ లో పాల్గొనబోతున్నారు. మరోవైపు అన్‌స్టాపబుల్ అంటూ ఆహా ఓటీటీలో యాంకర్ గా సరికొత్తగా ప్రేక్షకులకు పరిచయమయ్యారు. చాలా మంది సినీ సెలబ్రిటీలను తన షోకి తీసుకొచ్చి తనదైన శైలిలో ఫుల్ ఎంటర్టైన్మెంట్ ఇచ్చి ప్రేక్షకులను, ఫ్యాన్స్ ని ఆశ్చర్యపోయేలా చేసారు.

తెలుగు రాష్ట్రాల నుంచి పద్మ అవార్డులు పొందిన ప్రముఖులు

పద్మ విభూషణ్ 1)డి.నాగేశ్వర రెడ్డి – వైద్యం – తెలంగాణ

పద్మ భూషణ్
2) నందమూరి బాలకృష్ణ – కళలు – ఆంధ్రప్రదేశ్

పద్మశ్రీ
3) కె.ఎల్ కృష్ణ – లిటరేచర్ – ఆంధ్రప్రదేశ్

4) మాడుగుల నాగఫణి శర్మ – కళలు – ఆంధ్రప్రదేశ్

5) మంద కృష్ణ మాదిగ – పబ్లిక్ ఎఫైర్స్ – తెలంగాణ

6) మిరియాల అప్పారావు(మరణానంతరం) – కళలు – ఆంధ్రప్రదేశ్

7) వద్దిరాజు రాఘవేంద్రాచార్య పంచముఖి – లిటరేచర్, విద్య – ఆంధ్రప్రదేశ్

 

TOP STORIES