ఏపీలో మరో గ్రీన్‌ఫీల్డ్‌ హైవే నిర్మాణానికి కేంద్ర ప్రభుత్వం ఆమోదం తెలిపింది. విశాఖపట్నం–ఖరగ్‌ పూర్‌ (పశ్చిమ బెంగాల్‌) మధ్య గ్రీన్‌ ఫీల్డ్‌ హైవే నిర్మించాలని కేంద్ర జాతీయ రహదారుల శాఖ నిర్ణయించింది. ఆంధ్రప్రదేశ్, ఒడిశా, పశ్చిమ బెంగాల్‌ని అనుసంధానిస్తూ ఈ గ్రీన్‌ ఫీల్డ్‌ హైవేను నిర్మించనున్నారు. ఇందుకు సంబంధించిన సమగ్ర ప్రాజెక్ట్‌ నివేదిక (డీపీఆర్‌) రూపొందించేందుకు జాతీయ రహదారుల అభివృద్ధి సంస్థ టెండర్లు పిలిచింది. కేంద్ర ప్రభుత్వం గతి శక్తి ప్రాజెక్ట్‌లో భాగంగా ఈ జాతీయ రహదారిని నిర్మించనుంది.